Mariah Carey ka ngjallur shqetësim mes fansave pas një videoje nga koncerti i saj në Las Vegas, ku ajo shihet duke lëvizur ngadalë dhe pa energji.
Disa komentues u shprehën të alarmuar, duke pyetur nëse këngëtarja 55-vjeçare ndiente dhimbje ose kishte ndonjë problem shëndetësor.
Shfaqja e Carey-t është pjesë e rezidencës së saj The Celebration of Mimi, e cila përfundon më 15 shkurt, shkruan DailyMail.
Ndërkohë, Mariah është përfolur për një lidhje të re me muzikantin Anderson .Paak, me të cilin është parë duke shijuar darka në Aspen.
Burime pranë çiftit thonë se ata po e marrin me qetësi dhe madje po planifikojnë edhe një bashkëpunim muzikor.
Viti i kaluar ishte i vështirë për Carey, pasi ajo humbi në të njëjtën ditë nënën dhe motrën e saj, një ngjarje tragjike që e ka prekur thellë.
Pavarësisht vështirësive, diva e muzikës vazhdon të performojë dhe të qëndrojë aktive në karrierën e saj.
Fansat shpresojnë që ajo të jetë mirë dhe të rikthehet më e fortë se kurrë.
