Industria e filmit është gati për natën më të madhe të vitit, teksa Çmimet Oscar 2025 do të mbahen më 2 mars në Teatrin Dolby në Los Anxhelos. Akademia e Arteve dhe Shkencave të Filmit ka shpallur tashmë nominimet, me disa emra të njohur që prijnë garën dhe disa surpriza të mëdha.
Filmi “Emilia PErez” ka arritur të sigurojë më shumë nominime këtë vit, duke u vlerësuar në 13 kategori, përfshirë atë për Filmin më të Mirë. Po ashtu, filma të tjerë si “The Brutalist” dhe “Wicked” kanë marrë nga 10 nominime, duke treguar konkurrencë të fortë në këtë edicion.
Në kategorinë për Filmin më të Mirë, përveç “Emilia Pérez”, janë të nominuar edhe “Dune: Part Two”, “The Substance”, “Conclave”, “A Complete Unknown” dhe të tjerë.
Për Aktorin më të Mirë, në garë janë Adrien Brody, Timothée Chalamet, Colman Domingo, Ralph Fiennes dhe Sebastian Stan.
Në kategorinë për Aktoren më të Mirë, konkurrenca është po aq e fortë me emra si Cynthia Erivo, Karla Sofía GascOn, Mikey Madison, Demi Moore dhe Fernanda Torres.
Ndërsa disa nominime ishin të pritshme. “The Brutalist” është vlerësuar nga kritikët, por nuk pritej të kishte kaq shumë nominime. Nga ana tjetër, mungesa e disa filmave të suksesshëm të vitit në listën e nominimeve ka shkaktuar reagime mes fansave të kinemasë.
Ceremonia e këtij viti pritet të jetë spektakolare, me një kombinim të madh yjesh të Hollywood-it dhe performanca të jashtëzakonshme. Fituesit do të shpallen më 2 mars, duke vulosur një tjetër kapitull në historinë e kinemasë botërore.
