Presidenti amerikan, Donald Trump do të nënshkruajë një urdhër ekzekutiv për ta bërë anglishten gjuhën zyrtare të SHBA-së.
Por, ende nuk ka ndonjë afat të caktuar për nënshkrimin e urdhrit.
Bëhet e ditur se SHBA nuk ka pasur kurrë një gjuhë zyrtare në nivel federal, shkruan Reuters.
Dhe kjo ka qenë çështje problematike për disa shtete.
Përdorimi i spanjishtes në jetën publike ka ndezur polemika gjatë viteve, përfshirë në Teksas, ku një senator shtetëror në vitin 2011 kërkoi që një aktivist për të drejtat e emigrantëve të fliste anglisht dhe jo spanjisht në një seancë legjislative.
Kjo ringjalli një debat dhjetëvjeçar mbi atë nëse është e përshtatshme të flitet spanjisht në Teksas, i cili dikur ishte pjesë e Meksikës dhe, më parë, pjesë e Perandorisë Spanjolle.
