Një zëdhënëse e qeverisë ruse, Maria Zakharova, ka reaguar ndaj sanksioneve të reja amerikane, duke theksuar se ato nuk do të ndalojnë Moskën nga arritja e qëllimeve të saj në Ukrainë. Në një deklaratë për CNN, Zakharova tha se Shtetet e Bashkuara për muaj të tërë janë përqendruar tek fitorja e Ukrainës, por tani, sipas saj, po e njohin realitetin se pozita e Ukrainës në fushën e betejës është e dobët.
Ajo shtoi se sanksionet amerikane nuk kanë pasur ndikim të madh dhe nuk i kanë ndaluar Rusisë në arritjen e qëllimeve të saj. “Ne kemi hasur tashmë shumë sanksione dhe ato nuk na kanë ndaluar,” deklaroi Zakharova, duke theksuar se Moska do të vazhdojë të synojë realizimin e qëllimeve strategjike në Ukrainë.
Ky reagim erdhi pas një mesazhi të presidentit amerikan Donald Trump, i cili kërcënoi me sanksione financiare të tjera ndaj Rusisë për të detyruar një armëpushim, duke e akuzuar Moskën për vazhdimin e sulmeve ndaj Ukrainës. Po ashtu, Trump shënoi një ndryshim të qëndrimit të tij ndaj Rusisë, pas kritikave të ashpra ndaj presidentit ukrainas, Volodymyr Zelensky, duke ngritur shqetësime për menaxhimin e luftës dhe ndihmën që ka marrë Ukraina.
Sanksionet dhe ndihma ushtarake janë bërë tema të tensionuara në politikën e jashtme amerikane, pasi SHBA ka pezulluar ndihmën ushtarake dhe ndarjen e inteligjencës me Ukrainën pas përplasjeve të brendshme të administratës së Trump.
