Me një kapacitet mbajtës deri në 9100 mjete (konvencionale ose elektrike), Hoegh Aurora mban titullin e “transportuesit më të madh të automjeteve në botë”.
Nën pronësi të Hoegh Autoliners e Norvegjisë, Aurora është ndërtuar nga China Merchants Heavy Industry (CMHI) në Jiangsu, Kinë, dhe realizoi udhëtimin e saj të parë vitin e kaluar.
Me gjerësi rreth 37.5 metra dhe gjatësi 199.9 metra, ajo konsiderohet anija më e madhe në botë e tipit Pure Car and Truck Carrier (PCTC) për transportimin e llojeve të ndryshme të mjeteve, dhe falë platformave të forta dhe sistemeve të përmirësuara të rampave të brendshme, mund të mbajë mjete elektrike më të rënda në të gjitha 14 katet e saj, duke e bërë atë të ardhmen e sigurt.
Me një kapacitet ngarkese prej 9100 mjeteve, transportuesi i parë i klasës Hoegh Aurora e kalon transportuesin më të madh të mëparshëm të mjeteve në botë me 600 anije.
Por, madhësia dhe kapaciteti i ngarkesës nuk janë karakteristikat e vetme të mahnitshme të Hoegh Aurora. Ajo është gjithashtu PCTC më e gjelbër në botë, falë një numri funksionesh miqësore me mjedisin.
Ajo ka 1500 metra katrorë panele diellore në katin e sipërm, të cilat ndihmojnë në uljen e prodhimit të energjisë elektrike nga gjeneratorët deri në 30-35 për qind, dhe funksionon me gaz natyror të lëngshëm (LNG), biokarbure dhe naftë me përmbajtje të ulët të sulfurit.
Hoegh planifikon të bëjë anijet e klasës Aurora edhe më të “gjelbra” në të ardhmen. Deri në vitin 2027, të gjithë 12 transportuesit e komisionuar do të fuqizohen nga motorë që funksionojnë me “amoniak të pastër”, një lloj karburanti pa karbon.
“Klasë Aurora është perla e kurorës së programit tonë novator për rinovimin e flotës së gjelbër që po transformon industrinë”, tha Sebjorn Dahl, COO i Hoegh Autoliners. “Këto anije plotësojnë kërkesat e një numri në rritje të klientëve që janë të vetëdijshëm për karbonin dhe që kërkojnë ulje të emisioneve dhe transportim të qëndrueshëm. Së bashku, ne nuk do të ndalemi derisa të arrijmë operacione pa karbon”, tha ai.
“Së bashku me partnerët tanë, po heqim karbonin nga një nga sektorët më të vështirë për tu reduktuar”, tha Hoegh Autoliners
“Po ndryshojmë perceptimin për transportin në det të thellë. Së bashku, po e bëjmë transportin detar të qëndrueshëm të realizueshëm, duke nxitur kalimin në të gjelbër brenda industrisë sonë dhe duke vendosur një standard të ri për zgjidhjet dhe shërbimet e qëndrueshme në transportin detar”, përfundoi kompania.
