Në këto imazhe, shihen ministra të qeverisë si Taulant Balla, Arbjan Mazniku apo Bora Muzhaqi, ish-ministri Damian Gjiknuri, ish -ministrja e Arsimit dhe deputetja Evis Kushi, kryetari i Bashkisë së Elbasanit Gledian Llatja qe drekojnë nën shoqërinë e CEO-s së BKT, Seyhan Pencablıgil dhe biznesmeni Gjergj Luca, i njohur për thirrjet e tij të hapura në mbështetje të Partisë Socialiste.
Ky aktivitet, i organizuar me rastin e Ditës së Verës në Elbasan, nuk është thjesht një festim tradicional, por një demonstrim i qartë i kapjes së BKT nga mazhoranca qeverisëse. Nuk mund të jetë rastësi që në këtë event nuk pati asnjë përfaqësues i opozitës, një sinjal i qartë se BKT ka zgjedhur të jetë pjesë e mekanizmit politik dhe elektoral të socialistëve.
Këto foto dalin në një moment kur partitë politike sapo kanë dorëzuar listat e kandidatëve për deputetë, duke e bërë edhe më të qartë anshmërinë politike të BKT-së, e para bankë në historinë e Shqipërisë që pozicionohet politikisht kaq hapur./zoom
