Kryeministri Edi Rama ishte në Vlorë, ku u prezantuan kandidatët për deputet të këtij qarku për zgjedhjet e 11 majit.
Po ashtu, kryeministri tregoi edhe një eksperiencë të tij, që sic e konsideroi ka qenë një nga surprizat më të veçanta të karrierës së tij politike.
Ai thotë se u takua me një grup të rinjsh të FRPD, por që nuk kanë asnjë lidhje me “surratin e partisë politike të tyre në Tiranë”.
“Dje Zamira më ka bërë një surprizë që është një nga momentet më të veçanta të karrie rës time politike. Më ka ftuar dhe ulur në tryezë me rreth 100 vajza dhe djem të FRPD.Një ndjesi faji ndaj tyre nuk më është ndarë ndaj tyre.
Ndjesa e fajit për faktin që ata pavarësisht se janë të rinj të angazhuar në një forcë politike, pavarësisht se ca kemi ne me atë forcë politike, pavarësisht se ajo forcë politike në Tiranë ka një surrat pa lidhje me djemtë dhe vajzat këtu më kanë vënë në pozitë të vështirë kur më kanë thënë si sillen përfaqësuesit e PS me ata që nuk i konsiderojnë pjesë të të njëjtës anë.
Këto janë minimumi etik për një forcë politike si e jona. Dua që ne së bashku të jemi në një mendje që pas 11 majit duhet të vendosim tolerancë zero ndaj kujdo përfaqësuesi të PS që nuk i jep respekt dhe nuk i trajton në mënyrë të barabartë anëtarët e këtij komuniteti, aq më tepër për shkak të rreshtimit në një forcë tjetër politike.”, tha Rama.
Rama beson se në zgjedhjet e 11 majit do te marrin nje rezultat me te mire ne Vlore: “PS nuk është qëllim i atyre që janë brenda saj, por një mjet i atyre që janë brenda dhe atyre që mund ta përdorin këtë mjet për qëllim të përbashkëta të mëdha.
Ne ndajmë dy qëllime të mëdha, ta shtyjmë procesin e anëtarësimit dhe ta bëjmë Shqipërinë pjesë të BE dhe qëllim i dytë ta rrisim cilësinë e jetës për ti dhënë një fuqi të shtuar komuniteteve, ekonomisë vendore etj.
Besoj se këtë herë do të marrim një rezultat më të mirë, do dalim përtej atij volumit me të cilit jemi mësuar të mbështetjes dhe të votave dhe do tu japim mundësinë shumë qytetarëve që deri dje kanë qenë simpatizantë të punës që ne mund të kemi bërë, por kanë qenë të ftohtë kur ka ardhur puna tek zgjedhjet”.
