Kisha e Greqisë ka aplikuar për një licencë banke pasi siç raportohet synon krijimin e një të tille në sferën digjitale.
Gazeta “Kathimerini” shkruan se nisma ka provokuar debate brenda Kishës dhe se afati për dorëzimin e dokumenteve duhet të kryhet brenda fillimit të qershorit. Banka do të jetë tërësisht digjitale, pa degë fizike dhe do t’u mundësojë klientëve akses online për çdo shërbim.
“Ne nuk do të bëhemi Vatikani”, citon gazeta një burim nga Kisha, nisur nga spekullimet për imitim të rolit të Selisë së Shenjtë në Romë.
Në sfond të nismës qëndron presidenti I Bankës së Kursimeve Postare, Angelos Filippidis, ndërkohë që Kisha nuk do të vendosë kapitalet e veta, por thjesht luan me kredencialin e vet për të tërhequr investitorët.
