“Zgjerimi i autostradës Tiranë – Durrës në 5 km e parë synohet të përfundojë në dhjetor të këtij viti”. Gjatë inspektimit të punimeve nga kryeministri Edi Rama dhe ministrja e Infrastrukturës dhe Energjisë Belinda Balluku u bë me dije se aktualisht punimet kanë arritur në masën 30%.
Po ashtu Balluku bëri me dije se po studiohen hyrje të reja për autostradat e veriut të vendit, përfshirë rrugën e Arbrit.
Paralelisht u inspektuan edhe punimet që po kryehen në aksin rrugor Kombinat – Ndroq – Plepa, që është në fazën e parë të rindërtimit.
Rehabilitii i kësaj rruge do të vazhdojë në tre faza, ndërsa pjesë e investimit është dhe rindërtimi i Urës së Beshirit, që do të eliminojë të gjitha kthesat, duke rritur sigurinë rrugore.
Gjatë inspektimeve u bë me dije gjithashtu se është gati nisja e funksionimit të qendrës së monitorimit të trafikut për 200 kilometrat e parë./ Scan
