Antonio Conte ka një kontratë me Napolin që zgjat deri në qershor të vitit 2027, megjithatë ka raportime se ai do të ishte i lirë të largohej këtë verë nëse do të dëshironte, me Juventusin dhe Milanin që po presin në gatishmëri.
Trajneri kishte pritur pas përfundimit të përvojës së tij në Tottenham dhe u kthye në Serie A për të udhëhequr Napolin në garë për Scudetto, ku ata janë vetëm katër pikë larg liderit Inter, me një ndeshje më pak.
Megjithatë, vazhdon të ketë sugjerime se ai do të synohet për sezonin e ardhshëm nga klube të ndryshme italiane, mbi të gjitha Milani, por tani edhe Juventusi.
Sipas Calciomercato.com, kjo është plotësisht e mundur, pavarësisht faktit se ai është i lidhur me një kontratë deri në qershor 2027.
Kjo për shkak se nuk ka asnjë klauzolë në kontratën e tij, e cila mund të ishte përdorur për të paguar ndonjë shifër në marrëveshje.
Sidoqoftë, largimi i tij do të thotë gjithashtu se rregullat italiane do ta lejonin Conten thjesht të linte Napolin nëse ai dorëzon dorëheqjen dhe të hiqte dorë nga pagesat.
Nëse Conte do të shkarkohej nga Napoli, ai mund të apelojë dhe të kërkojë që paga të vazhdojë të paguhet derisa të ketë një zgjidhje të kontratës ose përfundimin e kontratës me pëlqim reciprok.
Milani po vazhdon të kërkojë trajner, pasi që Sergio Coincecao nuk do të vazhdojë të mbetet në krye.
Në anën tjetër, Juventusi i ka besuar Igor Tudorit, për ndeshjet e mbetura, por mund të futet në garë për Conten, i cili kishte sukses në periudhën e tij të parë.
