Zhvillohet sot seanca në GJKKO për të penduarin e drejtësisë Nuredin Dumani, i cili vijon dëshminë para togave të zeza dhe përballjen me bashkëpunëtorët në krime, si edhe ushatarët e tij.
Në GJKKO është marrë në pyetje Asllan Plaku, që akuzohet nga vrasësi me pagesë se ka patur rolin e vëzhguesit në vrasjen e Dorian Shkozës.
Dumani është shprehur se e pagoi 50 mijë euro Plakun dhe 1 motor. Pas pak Dumani do të përballet me ish të penduarin e drejtësisë Henrik Hoxhaj.
Gjatë dëshmisë së sotme, Dumani ka zbuluar dhe detaje nga vrasja e Ervis Dedës, për të cilën thotë se është informuar nga Festim Qosja.
Ai ka rrëfyer se pas ngjarjes, të dy ata shkuan të Shkëmbi i Kavajës. Dumani thotë se makinën që përdorën në vrasje ja sollën Festimit nga Fushë Kosova, të cilën më pas e kanë djegur dhe kanë ecur për disa km në këmbë.
Pjesë nga marrja në pyetje në sallën e gjyqit:
Avokati: Si ke marre dijeni për vrasjen e Ervis Dedës?
Dumani: Kam ardhur ne dijeni sepse ma ka dhënë Festimi. Kur jam takuar me Festimin kemi shkuar të shkëmbi Kavajës për të kërkuar armën.
Avokati: Si je njohur me Festimin?
Dumani: Jemi njohur për shkak të një konflikti në lokalin e tij
Avokati: Pas njohjes me Festimin keni patur shoqëri të qëndrueshme?
Dumani: Po kemi patur.
Avokati: Shoqëroheshit me njeri-tjetrin?
Dumani: Po. Shoqëroheshim në dreka darka kur mundeshim. Deri ne 2022 kur jam arrestuar
Avokati: Si komunikoje me Festimin?
Dumani: I thoja djalit të tezes që punonte te lokali.
Avokati: Çfarë te ka thene Festimi per vrasjen e Elvis Dedes?
Dumani: Makinën që përdorën në vrasje ja sollën Festimit nga Fushë Kosova. Elvis Deda ose Losha ka qenë duke drekuar. E ka gjuajtur Enriku dhe ka dalë edhe Festimi që ishte shofer. Kanë djegur makinën dhe kanë ikur për disa km në këmbë. Këto mi ka thënë Festimi.
