Shëndeti i ish-presidentit brazilian, Jair Bolsonaro është përkeqësuar pas operacionit abdominal gati dy javë më parë, me presion të lartë të gjakut dhe përkeqësim të enzimave të mëlçisë, sipas një raporti mjekësor.
Bolsonaro, i cili iu nënshtrua një operacioni në Brazilia, më 13 prill, për komplikime që lidhen me zorrën e hollë, do t’i nënshtrohet testeve të mëtejshme.
Aktualisht nuk ka asnjë të dhënë se kur ai mund të dalë nga spitali.
Bolsonaro, 70 vjeç, ka qenë në kujdes intensiv që nga operacioni.
Politikani i ekstremit të djathtë i është nënshtruar disa operacioneve që kur i ka mbijetuar një atentati gjatë fushatës zgjedhore të 2018-ës, në të cilën u godit me thikë në bark.
Ai akuzohet për komplot të një grushti shteti kundër qeverisë së pasardhësit të tij të majtë, Luiz Inácio Lula da Silva, pas humbjes së tij zgjedhore në tetor 2022.
