Parashikohet rënie e lehtë e Vlerave Barike duke sjellë në territorin Shqiptar mbizotërim të vranësirave dhe shirave.
Më të theksuara shirat do të jenë në skajin Verior-Verilindor duke bërë që reshjet të jenë në formë rrebeshi, nuk përjashtohet edhe mundësia e breshërit.
Pjesa e dytë e ditës do të vijojë me vranësira dhe shira në të gjithë territorin, por me intensitet të ulët, përjashtuar zonat Juglindore të cilat do të mbeten me rrebeshe afat-shkurtra shiu si edhe mini-stuhi breshëri.
Temperaturat e ajrit do të ulen lehtë si në mëngjes edhe në mesditë duke luhatur vlerat ditore nga 4°C vlera minimale e shënuar në qytetin e Peshkopisë deri në 23°C vlera maksimale e cila pritet në qytetin e Kuçovës.
Era do të fryjë mesatare deri e fortë duke arritur shpejtësinë maksimale mbi 50 km/h nga drejtimi Verior, për pasojë në brigjet detare do të krijohet dallgëzim 3 – 4 ballë.
