Mathys Tel, i cili debutoi për Tottenham Hotspur, mund të largohet nga klubi londinez në verë, me Manchester United që mbetet një opsion i mundshëm për të.
Pavarësisht se fillimisht refuzoi një lëvizje gjatë merkatos së janarit, sulmuesi 19-vjeçar u largua nga Bayern Munich në orët e fundit të afatit kalimtar, duke iu bashkuar Spurs në huazim deri në fund të sezonit.
Tottenham pagoi një tarifë huazimi prej 10 milionë eurosh (8.3 milionë £) për francezin, ndërsa marrëveshja përfshin gjithashtu një opsion blerjeje.
United, ende në lojë për Tel
Megjithatë, sipas raportimeve të fundit nga CaughtOffside, Tel do të ketë mundësinë të transferohet në një klub tjetër të Premier League në verë, me Manchester United që mbetet një destinacion i dëshiruar për të.
Gazetari i njohur Christian Falk ka konfirmuar se United ishte shumë i interesuar për Tel gjatë merkatos së dimrit, por nuk arriti marrëveshje me Bayern Munich për shkak të tarifës së huazimit.
“United ishte i interesuar për Tel, por nuk ishte i gatshëm të paguante shumën prej 5 milionë eurosh për huazim,” tha Falk. “Në verë, kjo nuk do të jetë më një pengesë dhe ai mund të transferohet në Old Trafford.”
“Nëse Tel sheh një mundësi për të luajtur më shumë te Bayern, mund të vendosë të qëndrojë, por nëse kjo nuk ndodh, kalimi te United mbetet një opsion shumë i mundshëm”, shtoi ai.
Debutimi i vështirë me Spurs
Tel bëri debutimin e tij për Tottenham të enjten mbrëma gjatë ndeshjes së kthimit në Carabao Cup kundër Liverpool në Anfield.
Sulmuesi francez u aktivizua si zëvendësues në pjesën e parë, por nuk mundi të ndikonte në ndeshje, teksa skuadra e tij u mposht me rezultatin e thellë 4-0, duke u eliminuar nga kompeticioni.
Nëse ai nuk arrin të bindë trajnerin Ange Postecoglou gjatë muajve të ardhshëm, një rikthim te Bayern ose një transferim i përhershëm te United mund të jetë në horizont.
