Procesi i votimit në përfaqësitë diplomatike të Kosovës po zhvillohet qetë dhe nuk është raportuar asnjë problem.
Në orën 13:00 sipas kohës lokale në Kosovë ka filluar procesi i votimit edhe në Shtetet e Bashkuara të Amerikës dhe në Kanada.
Nga 20.324 votues të regjistruar për të votuar në përfaqësitë diplomatike deri në orën 15:00 kanë votuar 10.306 votues apo 50.91%.
Votimi po kryhet në 30 shtete të ndryshme dhe duket se është duke vazhduar me një pjesëmarrje të konsiderueshme nga diaspora.
Votimi ka nisur në orën 07:00 dhe do të zgjasë deri në orën 19:00 sipas kohës lokale në secilin vend.
Sipas të dhënave të deritanishme, disa nga qytetet me pjesëmarrje më të lartë janë:
Stamboll, Turqi (62.35%)
Cyrih, Zvicër (61.70%)
Bernë, Zvicër (59.67%)
Gjenevë, Zvicër (59.94%)
Oslo, Norvegji (57.87%)
Në Gjermani, ku ndodhet një numër i madh i mërgatës kosovare, pjesëmarrja deri në këtë orë ka qenë gjithashtu e lartë, me qytete si Munih (49.34%), Hamburg (51.65%) dhe Frankfurt (54.24%).
