Ylli amerikan i popit, Katy Perry do të udhëtojë në hapësirë me një raketë të drejtuar nga ”Blue Origin” e Jeff Bezos, ka njoftuar kompania e hapësirës ajrore.
Këngëtarja e “Roar”, Perry, 40 vjeçe, i bashkohet një ekipi prej gjashtë personash, tërësisht gra, i cili do të fluturojë në misionin e ardhshëm ”New Shepard NS-31”, i cili u organizua nga gazetarja Lauren Sanchez, gruaja e miliarderit Bezos.
Ekipi përbëhet nga Perry, shkencëtarja e raketave Aisha Bowe, shkencëtarja e kërkimit bio-astronautikë Amanda Nguyen, bashkëprezantuesja e ”CBS Mornings”, Gayle King, producentja e filmit Kerianne Flynn dhe Sanchez.
Ky do të jetë fluturimi i 11-të njerëzor për programin ”New Shepard”, i cili çon klientët me pagesë në skajin e hapësirës.
Në një postim në median sociale, ”CBS Morning” tha se King do të “shkonte atje ku pak kanë shkuar më parë” dhe ngacmoi se shikuesit do të ishin në gjendje të “shikonin Gayle duke u ngjitur në qiell” në pranverë.
Sanchez, 55 vjeçe, tha në një video postim në median sociale se ajo shpreson se misioni do t’i frymëzojë njerëzit të “ëndërrojnë”.
“Nuk mund ta besoj se po ndodh. Babai im i mësonte njerëzit se si të fluturonin, dhe unë rrija rreth hangarit dhe mendoja se të ëndërroja të bëhesha pilote ishte një punë e madhe”.
”Blue Origin” ka çuar turistë me fluturime të shkurtra në hapësirë që nga viti 2021.
Disa pasagjerëve u janë dhënë udhëtime falas, ndërsa të tjerë kanë paguar një shumë të majme për të përjetuar mungesën e peshës.
Bezos, 61 vjeç, u ngjit në bord me vëllanë e tij për fluturimin përurues.
