Të paktën 37 persona kanë humbur jetën dhe dhjetëra tjerë janë lënduar, në një aksident trafiku ku u përfshinë dy autobusë në Bolivi.
Incidenti ndodhi në rajonin perëndimor Potosi, kanë njoftuar policia dhe autoritetet e atjeshme lokale.
Gjithçka ndodhi në orët e para të mëngjesit të së shtunës në rrugët që lidhin qytetet Uyuni dhe Colchani.
Një autobus thuhet se u përplas direkt me autobusin që po vinte nga kahja e kundërt.
“Si pasojë e këtij aksidenti fatal, 39 persona janë lënduar dhe janë dërguar në katër spitale të Uyuni, derisa 37 tjerë humbën jetën”, tha zëdhënësi i policisë në Potosi.
Njëri nga autobusët ishte nisur drejt Oruros, ku një prej karnavaleve më të rëndësishme në Amerikën Latine është duke u zhvilluar.
