Channing Tatum ka vazhduar jetën e tij personale me modelen Inka Williams, vetëm disa muaj pas ndarjes së tij nga Zoe Kravitz në tetor 2024.
Të dy së fundmi u panë duke dalë nga festa e CAA në Los Angeles të premten mbrëma. Ata nuk kanë ngurruar të përqafohen në publik teksa ecnin, duke konfirmuar kështu raportimet që flasin për një romancë të re.
Një person i afërt me aktorin ka folur për People dhe ka thënë se partnerja e re e bën shumë të lumtur. “Channing është mirë.” “Inca e bën atë të lumtur,” tha ai. Sipas të njëjtit burim, ylli 44-vjeçar është në një lidhje serioze me 25-vjeçaren.
Ata janë takuar përmes miqve të përbashkët. “Ajo është e mrekullueshme ”, tha i njëjti person, teksa komentoi diferencën 19-vjeçare në moshë që ndan çiftin. “Ajo ka jetën e saj”, tha ai për modelen, duke shtuar: “Ajo është e re, por duket më e vjetër”.
Channing Tatum thuhet se është kthyer në Los Angeles pas xhirimeve të filmit të tij të ri në Karolinën e Veriut. Në të njëjtën kohë, ai kalon shumë kohë me vajzën e tij 11-vjeçare, Everly, të cilën e ka me ish-bashkëshorten, Jenna Dewan.
Aktori, megjithatë, nuk e ka lënë plotësisht pas të kaluarën e tij, pasi ai dhe Zoe Kravitz, e cila i dha fund fejesës vjeshtën e kaluar, pritet të punojnë sërish bashkë profesionalisht, pas bashkëpunimit të tyre në filmin “Blink Twice”. “Ai do të ribashkohet me Zoe më vonë këtë pranverë për një projekt të ri filmik”, tha i njëjti person për People. “Nuk do të jetë e vështirë, sepse ata u ndanë në kushte të mira.”
Zoe Kravitz gjithashtu duket se ka kthyer një faqe në jetën e saj personale, pasi ajo u pa herët në mëngjes me aktorin Noah Centineo, i njohur nga The Recruit, sipas një videoje të siguruar nga TMZ. Edhe pse natyra e lidhjes së tyre mbetet e panjohur, ajo dhe aktori 28-vjeçar janë parë duke dalë nga një restorant në Los Angeles. Ndonëse mes tyre nuk kishte shenja dashurie, ata dukej se po kalonin mirë.
Zoe Kravitz dhe Channing Tatum u lidhën në mënyrë romantike në gusht 2021, përpara se të konfirmonin lidhjen e tyre vitin e ardhshëm. Fejesa e tyre u bë e njohur në tetor 2023, kur aktorja u shfaq në publik me unazën në gisht.
