Shqipëria dhe Kosova janë bërë bashkë në Vatikan për ti dhënë lamtumirën e fundit Papa Franceskut, i cili do të përcillet të shtunën në banesën e fundit.
Presidentët Bajram Begaj dhe Vjosa Osmani, kanë kryer homazhe gjatë ditës së premte pranë trupit të Papa Franceskut, në Bazilikën e Shën Pjetrit në Vatikan, në një ceremoni ku marrin pjesë drejtues shtetesh, klerikë dhe besimtarë nga e gjithë bota.
Bashkë me ta ndodhen në Vatikan dhe krerët e lartë të komuniteteve fetare në Shqipëri.
Mesazhi që përcjellin fotot e 4 krerëve të komuniteteve fetare së bashku, është bashkëjetesa fetare, toleranca, një vlerë që ruhet dhe respektohet ndër shekuj.
