Sherrin për pronat në Shqipëri e zgjidhën me armë në Britani, Asllani tenton të vrasë nipin e ish-gruas
Georgo Asllani, 59-vjeçari shqiptar është dënuar me 13 vite burg pasi qëlloi me armë zjarri në Waltham Cross në qershor të vitit 2022.
Asllani u dënua për plagosje me dashje dhe posedim të një arme zjarri, pasi qëlloi nipin e ish-gruas së tij, për shkak të disa mosmarrëveshjeve familjare për motive pronësore në Shqipëri.
Incidenti i ndodhur për shkak të mosmarrëveshjeve për pronat në Shqipëri , nxiti më pas edhe një ndarje të Asllanit dhe ish-gruas së tij jo në paqe në Mbretërinë e Bashkuar.
Asllani qëlloi dy hrë shtetasin, teksa ky i fundit ishte duke punuar në një shtëpi në Trinity Lane, bashkë me vëllain e tij.
Situata mund të shkonte edhe më rëndë, nëse nuk do të kishte ndërhyrë një koleg i vëllezërve për të frenuar 59-vjeçarin shqiptar.
Në gjykatë, Asllani u mbrojt duke pretenduar se ishte nën kërcënimin e mafias dhe vepronte me urdhër të një individi të njohur si Komandanti.
Pavarësisht pretendimeve të tij, gjykata e shpalli fajtor, ndërsa i plagosuri është ende në fazë rikuperimi nga plagët dhe i paaftë për të punuar.
