Gjigandi rus i naftës Lukoil ka njoftuar vdekjen e zëvendës presidentit të tij Vitaly Robertus.
Në një deklaratë, kompania njofton se Robertus vdiq “papritmas” në moshën 54-vjeçare.
Manjati rus u gjet i varur në tualetin e zyrës së tij në gjigantin e energjisë Lukoil të lidhur me Kremlinin, raportuan sot mediat, lidhur me vdekjen e zbuluar të mërkurën.
Robertus kishte qenë në Lukoil për më shumë se 30 vjet dhe është i fundit i një serie drejtuesish të lartë të naftës dhe gazit të cilët vdesin në rrethana të papritura.
Në tetor, Lukoil tha se kryetari i Bordit të Drejtorëve Vladimir Nekrasov kishte vdekur nga problemet me zemrën në moshën 66-vjeçare.
