Një 28-vjeçar u kap në flagrancë nga policia pasi theu masën e arrestit shtëpiak për të shitur doza kanabisi.
Gjatë kontrollit fizik, E.L., banues në Shkodër iu gjet një sasi lënde narkotike kanabis sativa, e cila ishte e ndarë në doza gati për shitje. 28-vjeçari u vu në pranga në kuadër të megaoperacionit ‘Tempulli 2’.
Nga verifikimet e policisë rezultoi se ky shtetas ishte me masën e arresti shtëpiak prej Gjykatës së Tiranës për veprën penale ‘Mosbindja ndaj urdhrit të punonjësit të policisë së rendit publik.
‘Nga kontrolli fizik, 28-vjeçarit iu gjet një sasi lënde narkotike cannabis sativa, e ndarë në doza, gati për shitje. Më tej, nga verifikimet rezultoi se ky shtetas aktualisht ishte me masë sigurie “Arrest në shtëpi”, caktuar nga Gjykata e Tiranës, për veprën penale “Mosbindja ndaj urdhrit të punonjësit të policisë së rendit publik”.’, thuhet në njoftimin e policisë.
Materialet proceduriale i janë kaluar Prokurorisë.
