Aktivisti amerikan për të drejtat civile James Lawson ka vdekur në moshën 95-vjeçare, lajmin e ka bërë të ditur familja e tij. Lawson vdiq nga arresti kardiak rrugës për në një spital në Los Anxhelos.
Avokimi i tij i protestave paqësore ndikoi në Martin Luther King dhe formësoi lëvizjen civile në SHBA në vitet 1960, raporton Washington Post.
Lawson u përshkrua dikur nga King si “teoricieni dhe strategu kryesor në botë i jodhunës”.
Në vitin 1952, ai udhëtoi për në Indi, ku u ndikua nga puna e Mahatma Gandhit, i cili mbrojti rezistencën paqësore kundër sundimit britanik.
Pas kthimit të tij në SHBA, Lawson u bë një avokat kryesor i protestës jo të dhunshme për lëvizjen për të drejtat civile.
Ai mori pjesë dhe drejtoi protesta të shumta që në fund të vitit 1964 çuan në futjen e ligjit të famshëm për të drejtat civile, i cili ndalonte diskriminimin në bazë të racës, ngjyrës së lëkurës, fesë, gjinisë ose origjinës kombëtare.
