Ditën e djeshme Gjykata e Apelit mori vendimin për t’ia dhënë grupit të Berishës, vulën e PD-së. Tanimë PD-ja zyrtare është ajo e grupit të Rithemelimit.
Vajza e ish-kryeministri Berisha, Argita Malltezi tha se dera e PD-së është e mbyllur për Lulzim Bashën dhe e hapur për çdo demokrat që do të bashkohet me grupin e tyre.
Në një intervistë dhënë A2 CNN, Malltezi theksoi se Basha ka kontribuar në shkatërrimin e PD-së në vite.
“Mendoj që PD ka bërë gjithnjë ftesë për bashkim. Dyert janë të hapura për çdo demokrat. Basha nuk ka kontribut për këtë ditë, ka kontribut për kapjen e opozitës dhe shkatërrimin e saj në vite.
Nuk duhen harruar gabimet se ndryshe përsëriten. Mendoj që i ka mbyllur vetes çdo derë”, tha ajo.
E pyetur se pas kësaj a duhet të largohet Berisha si kreu i PD-së dhe t’i hapë rrugë garës së saj në krye të PD, Malltezi u përgjigj:
“Unë pjesë e PD kam qenë që në ‘90. Qëndrestarët nuk luftojnë për t’u larguar në momentin që fituan një betejë.
Ne fituam një betejë, kemi beteja të tjera për të fituar deri sa të fitojmë luftën, që është rrëzimi i Ramës. Pas kësaj Berisha ka thënë referendum për kryeministër.”
