Sulmuesi i përfaqësues angleze, Harry Kane si pas raportimeve të fundit nga “The Athletic” pati një bisedë “të nxehtë” me trajnerin e Anglisë, Garet Sauthgej, para “Euro 2024”.
Kapiteni Kejn dhe shefi Sauthgejt u larguan me medalje nënkampione, pas një humbjeje therëse kundër Spanjës.
Përzgjedhja dhe taktikat e skuadrës së Garet u vunë nën pikëpyetje gjatë gjithë turneut në Gjermani.
Por përpara se të nistë “Euro 2024”, ish-trajneri i Anglisë duhet të reduktonte listën fillestare në 26 emra, ku rezultuan jashtë saj emra me peshë si Xhek Grilish apo Herri Meguair.
Mbrojtësi i Mançester Junajtid ende po vuante nga një dëmtim në kyç, por shpresonte se do të ishte i aftë për fazat e eliminimit. Ndërsa Grilish duroi një sezon të vështirë me Mançester Sitin, pavarësisht se i ndihmoi ata për një titull të tretë radhazi në Premier Ligë. Sipas “The Athletic”, vendimi i marrë nga Sauthgejt për të hequr çiftin me përvojë krijoi pakënaqësi te lojtarët kryesore.
Thuhet se Kejn doli për një shëtitje me trajnerin e përfaqësueses në terrenin stërvitor të Totenhemit para ndeshjeve në Europian. Atje, Herri u “shqetësua” pasi Markus Rashford, Xhordan Henderson, Maguair dhe Grilish u lanë të gjithë jashtë. Sulmuesi i Bajern Mynihut kërkoi përgjigje për të kuptuar më mirë arsyetimin e tij. Reagimi i Garet u pa në “Euro 2024”, duke e zëvendësuar në fazën më delikate të ndeshjes pykën e skuadrës bavareze.
Grilish ishte ende në kampin e Anglisë kur iu tha lajmi dhe gjithashtu u trondit nga vendimi. Më tej shtohet se shokët e skuadrës e kishin vizituar në dhomën e tij të gjumit të kampit për të ngushëlluar yllin e “Qytetarëve”.
Besohet se anëtarët e skuadrës së “Tre Luanëve” mendonin se përvoja e Xhek në ndeshjet dhe momentet e mëdha do të kishte qenë kyçe. Diskutimet aspak miqësore me Xhud Bellingam gjatë turnet i shtoi më shumë dozat e tensionit te 53-vjeçari anglez, i cili kuptoi se nuk kishte më krahë për të vijuar në kombëtaren, e cila na lë të kuptojmë se dorëheqja nuk ishte rastësi.
