Të paktën 93 njerëz janë vrarë dhe dhjetëra ende dyshohet se janë bllokuar pasi shirat e dendur shkaktuan rrëshqitje masive dheu në shtetin jugor indian të Kerala.
Rrëshqitjet e dheut goditën zonat kodrinore në distriktin Wayanad në orët e para të së martës.
Operacionet e shpëtimit janë duke u zhvilluar, por po pengohen nga shirat e dendur dhe shembja e një ure të rëndësishme.
“Situata vazhdon të mbetet shumë e rëndë. Shkaktarët mund të rriten,” tha për mediat V Venu, nëpunësi më i lartë civil i shtetit.
Rrëshqitjet e dheut janë fatkeqësia më e keqe që ka goditur Keralën që nga viti 2018, kur përmbytjet vdekjeprurëse vranë më shumë se 400 njerëz. Zyrtarët thonë se më shumë se 200 personel të ushtrisë janë vendosur për të ndihmuar forcat e sigurisë në përpjekjet e kërkimit dhe shpëtimit.
Kryeministri Pinari Vijayan tha në një konferencë për shtyp se rrëshqitja e dheut ka zhdukur një zonë të tërë. Spitalet lokale po trajtojnë të paktën 123 të lënduar dhe më shumë se 3,000 njerëz janë shpëtuar dhe janë zhvendosur në 45 kampe ndihme, tha ai.
Përveç 65 vdekjeve të konfirmuara në Wayanad, 16 trupa janë gjetur në lumin Chaliyar, i cili derdhet në rrethin fqinj Malappuram. Janë gjetur edhe pjesët e trupit të një numri personash të tjerë.
Wayanad, një lagje kodrinore e cila është pjesë e vargmalit malor Ghats Perëndimor, është i prirur ndaj rrëshqitjeve të dheut gjatë sezonit të musonit.
Rrëshqitjet e dheut kanë goditur disa zona në rreth, duke përfshirë Mundakkai, Attamala, Chooralmala dhe Kunhome.
