Dy të rinjtë që shihni në foto, janë autorët e grabitjes së një taksisti në zonën plazhit në Durrës, tashmë të zbardhur nga policia.
Këta të fundit hipën normalisht në taksi në lagjen 13, tek rrethrrotullimi “ILIRIA” në zonën e plazhit e më pas 26-vjeçari Agron Braha kërcënoi taksistin me thikë ndërsa Viola Bodlli, 29 vjeç i mori atij xhiron ditore.
Pasi kryen me shpejtësi vjedhjen, dy të rinjtë u larguan në këmbë.
Denoncimi i menjëhershëm pranë policisë nga pronari i taksisë, vuri në lëvizje uniformat blu që arrestuan pak orë më vonë të rinjtë. Për të dy ata policia po kryen verifikime pas nuk përjashtohet mundësia që ta kenë kryer ngjarjen nën efektin e narkotikëve.
