Juan Román Riquelme, presidenti i Boca Juniors, u angazhua plotësisht në shkallët e stadiumit, në përpjekje për të ndaluar një përleshje midis ultrasve vendës me tifozët kundërshtarë dhe policët.
Situata doli jashtë kontrollit kur tifozët e Bocas filluan të hedhin ulëse drejt tifozëve të Gimnasia. Tifozët kundërshtarë u kundërpërgjigjën me dhunë dhe detyruan ndërhyrjen e policisë, e cila përdori plumba gome e spraj piper.
Riquelme, i shoqëruar nga anëtarë të këshillit drejtues si ‘Chicho’ Serna, Raúl Cascini dhe Marcelo Delgado, nxitoi të shkonte në tribunën e incidentit.
Prania e Riquelme ndihmoi të qetësoheshin gjërat në stadiumin “Newell’s Old Boys”, duke qenë vendimtar që incidentet të mos përshkallëzoheshin.
Boca Juniors përfundoi duke barazuar 1-1 në ndeshjen çerekfinale të Kupës së Argjentinës kundër Gimnasia.
