Nga Kimete Berisha
1. Me vetulla të lyera korb, një shqiptar tha në Hagë se komandantët e UÇK-së janë ‘gëzuar’ kur janë vrarë familja Jashari.
– Gëzimi nuk vërtetohet me fakte….
– Ai nuk foli për vrasësit serbë të familjes Jashari, por foli për ‘vrasësit’ shqiptarë të familjes së tij, anipse askush nuk i është vrarë në familje.
Por, ka mundur t’i vritet!
– Tha se H.Th. ka pasur merak ta ‘shfaroste’ familjen e tij.
As meraku nuk vërtetohet me fakte.
– Përveç merakli i ‘shfarosjes’ së tij, dëshmitari e quajti gjithçka H.Th. edhe puthës të dështuar….
Tha se H.Th. ia ka puthur dorën, pa dëshirën e tij.
– Dëshmitari ka qenë aq i rrezikuar nga H.Th. sa që është gjallë.
2. Krizë e madhe morale, dhe mendore….
Shqiptarët kërkojnë drejtësi në Hagë për ‘vrasjet që s’kanë ndodhur’, e jo për vrasjet që kanë ndodhur.,..
– Gjykimi i dëshirave dhe ëndrrave të parealizuara kanë bërë që të duket sikur në Kosovë ka ndodhur një luftë qytetare mes shqiptarëve.
– E në anën e Serbisë ka pasur edhe shqiptarë, paska pasur shumë.
2. Ka çaste, shumë çaste, që duket si Gjykatë Speciale e LDK-së kundër UÇK-së. Le të jetë.
Por s’e kuptoj pse kanë hyrë në mal pa sakicë.
– Një tjetër dëshmitar me vetulla të lyera edhe më futë se i lartpërmenduri, foli për do të burgosur atje larg, diku në qiell: ka qenë një herë një plak e një plakë…
– Fakt s’është urrejtja, fakt s’është ndjenja, fakte s’janë thashethemet.
– Shqiptarët me asnjë fakt nuk mund ta dokumentojnë historinë e tyre.
As luftën e as viktimat.
– Një trohë histori që e kemi e kanë dokumentuar historianët amerikanë dhe udhëtarët evropianë të rastit që u ka ra rruga nëpër Kosovë.
– Historian shqiptar ende nuk ka Kosova. Ka vetëm thashetheme dhe fjalë të sokakëve.
– Ende për asnjë viktimë shqiptare nuk ka drejtësi, anipse drejtësia është në duar të shqiptarëve.
3. Derisa Ish Presidenti Thaçi po akuzohet për ‘dëshirat’ e tij ‘shfarosëse’, ish Presidenti Ilir Meta u duk sikur u kidnapua kur u arrestua nga drejtësia e Re e Shqipërisë.
– Ilir Meta u trajtua si vrasës masiv, policët ia kapën kokën si gjylën e topit dhe e ngrehën zharg si të luajtur.
– Kur e çuan në qeli – treguan se atje ia dëgjuan britmat, çirrjet dhe thirrjet se si ai nuk është Ilir Meta por është Vasil Laçi, pa provuar ta ‘vras’ ndër të tjerë as kryeministrin e Shqipërisë.
– Ilir Meta për momentin e konsideron veten atentator në tentativë i politikanëve (Vasil Laç), , por nuk ia ka realizuar vetes këtë ‘dëshirë’.
– Më kollaj, mund të zgjedhte të ishte Blendi Fevziu, por Blendin s’e merr kush seriozisht sherri i atyre shorts-eve të kuqe.
– Pasi bëri një pauzë nga britmat e grisjet, e la Vasil Laçin dhe kërkoi azil politik tek Viktor Orban, për inat të Amerikës që e kanë ‘pushtuar’ drejtësinë shqiptare.
4. Ish gruaja e tij, në fjalën e saj mbrojtëse para gazetarëve tha se Ilir Meta është aq i pafajshëm sa nuk e di as sa kushton një shishe ujë.
– Monika Kryemadhi tregoi se kur ishte e re ishte në gjendje ta vriste veten për Ilir Metën si Romeo për Xhulietën.
Nuk tha si Xhulieta për Romeon, se edhe Xhulieta e ka mbytur veten për Romeon.
– S’di pse gjithmonë ka pasur tendenca letrare që Romeos t’i jepet përparësi në sakrificë dhe sakrifica e Xhulietës të mbetet nën hije, siç ka mbetur.
5. Ishte duke ecur e vetmuar në rrugën ‘Faton Peci’ kur Dejona Mihalin e ndjekte Frashëri dhe si me gur e gjuante me pyetjen se ‘si ndjehet ajo si e para e shtetit’.
– Pyetja ishte e rëndë por i vetmi organ që i reagonte Mihalit në provokimet e Frashërit, ishte hunda e saj e kuqe.
– Mihali duket si një zhele e arnuar për së treti, por zyrtarët e administratës asaj i duken hallexhinj ‘kësi të UÇK-së’.
– Që t’i duket një zyrtar hallexhi, ajo duhet të ketë shumë pare.
Sot ka arritur të bëhet më e popullarizuar se Lumir Abdixhiku.
Arritjet e saj më të mëdha janë si në vijim:
– të spiunojë në mënyrë transparente (në telefon), pra, në të njëjtën kohë i zbulon dhe i kundërzbulon ata që i spiunon;
– ka arritur që dëshirat e saj të jenë urdhëra;
– është në gjendje të luaj me rrymë e rryma ta zë dikënd tjetër;
– si dhe ka arritur ta detyrojë Albulenën t’i thotë ‘Të dua’.
– Mbi të gjitha, me metodat e saj misterioze, ka arritur ta tremb ish-shikun, ish-sigurimin e atdheut dhe të gjithë ishat tjerë.
– Ama, arritja e saj historike është demitizimi i Albin Kurtit dhe shndërrimi i tij në një karikaturë të saj.
6. Një ditë, padashje, me veturë, i dhashë përparësi Liburn Aliut, se e pashë me vonesë.
– U nervozova që i dhashë përparësi atij që po hetohet për vjedhjen e ujit, e ne për vete e paguajmë ujin që s’e pimë sepse na e kanë helmuar.
– Nuk e di pse na e kanë helmuar ujin!
– Liburn Aliu ka shprehur gatishmërinë të bashkëpunojë me drejtësinë, thuajse është kah e pyet kush.
– Por, Albin Kurti që pyetet, nuk ka shprehur gatishmërinë ta ndërpres bashkëpunimin me Liburn Aliu!
– Ky është ai Albin Kurti i cili për një fjalë goje e ka shkarkuar Agim Veliun, e sot nuk e shkarkon Liburn Aliun për miliona euro të munguara.
7. Në Berlin, në Paris, në Beograd dhe në Romë, një kilogram fasule kushton tri euro. – Veç në Kosovë pasuli kushton më shtrenjtë se morali.
Ministria e Bujqësisë u jep pare bujqëve që ta shesin pasulin si ushqim të ‘perendive’.
8. Kriza morale është aq e madhe sa unë nuk e di se çka është më e pamoralshmja!
– Ndoshta biseda e Mimoza Kusarit me terroristin serb, të cilit ia lëmonte egon dhe e luste të votonte kundër pagës së veteranëve, të familjeve të dëshmorëve dhe invalidëve të UÇK-së.
– Paramendoje ti veten duke e lutur një vrasës serb që të votoj kundër një invalidi të luftës!
– Dhe, ai momenti kur Mimoza mundohet ta bind terroristin serb se sa ‘i poshtër’ është Kamishi!
9. Për mua kulmi i imoralitetit ishte imitimi i djalit trupshkurtër në Big Brother.
– Edhe më bizare se sa krimi i aktorit që ia imitonte kufizimet fizike, ishte qeshja e asaj gruas të cilën e ka çmendur ‘dashuria’ dhe e ka bërë të frikshme…!
– Heightizmi është diskriminim.
Përqeshja me të metat e njerëzve është diskriminimi më i tmerrshëm, është shprehja më e skajshme e urrejtjes, është krimi më i madh.
– Është krim që ata në Big Brother e bëjnë për qejfi.
– Edhe më krim është që produksioni e bindi atë djalin që të pajtohet me diskriminimin ndaj tij.
10. Krizë e madhe është edhe ngazëllimi i Lumirit për Lumbardhin.
Por, s’di a është krizë morale, nuk e di çfarë lloj krize është.
– Por, krizë qesharake është që Lumbardhi tha se ‘Jam në duar të mira’ (për duart e Lumirit e kishte fjalën, kjo dorë që përkundi djepin…mos ia prishni dashurinë….nina…fli, fli se je në duar të sigurta’. …nana…)
11. Horrllëk.
P.S. Nuk e kuptoj se pse veç mua nuk po më përcjellin zyrtarët e AKI-së!
– Jam më e mira!
