Megan Thee Stallion ka folur për raportin me Tory Lanez, duke rikujtuar një moment të pakëndshëm gjatë një interviste të saj në vitin 2020.
Reperja ka kritikuar gazetaren Gayle King për pyetjen që i bëri lidhur me aludimet se Megan kishte një marrëdhënie seksuale me Tory Lanez para se ai të qëllonte me armë në këmbën e saj pas një feste në shtëpinë e Kylie Jenner.
“Kjo nuk është arsyeja pse unë ndodhem këtu. Edhe sikur të kisha marrëdhënie me të [Tory Lanez]”, tha Megan në intervistë, dukshëm e prekur prej pyetjes.
Ndonëse fituesja e Grammy-t më pas pranoi se me të vërtetë kishte kryer marrëdhënie seksuale me Tory-n “si një herë, ndoshta dy herë në një natë të dehur”, ajo pranoi se gënjeu gjatë bisedës për të shmangur diskutimin e një teme që mendonte se ishte e parëndësishme lidhur me incidentin e korrikut të vitit 2020.
“Po, e kam gënjyer Gayle King,” shpjegoi Megan. “Para së gjithash, nuk e dija që do të më pyeste për atë budallallëk. Mendova se do të flisnim për lëndimin tim fizik dhe emocional.”
“Shumë njerëz nuk më trajtuan sikur të isha njeri për një kohë të gjatë”, tha Megan për Women’s Health në një intervistë në prill.
“Ndihem sikur të gjithë ishin mësuar gjithmonë që unë të isha vajza argëtuese dhe e lumtur e festës. I shikoja njerëzit që më përdornin, më shkatërronin dhe më pas habiteshin për pritshmëritë e mia nga ata.”
Në prill të vitit 2022, Megan dha një intervistë me Gayle për të dhënë detaje në lidhje me incidentin e saj me reperin, i cili u shpall fajtor në dhjetor 2022 për tre akuza penale, duke përfshirë shkarkimin e një arme zjarri nga pakujdesia, duke qëlluar në këmbë Megan Thee Stallion. Tory u dënua me 10 vjet burg.
