Wolfgang Becker, regjisori i filmit të njohur gjerman të vitit 2003 “Good Bye, Lenin!” (“Mirupafshim, Lenin!”), vdiq në moshën 70-vjeçare pas një sëmundjeje të rëndë, njoftoi agjencia e tij.
“Ai la pas gruan e tij, Susanne dhe vajzën Rike. Familja kërkoi që të respektohet privatësia e tyre”, tha agjencia.
I lindur në Hemer në Gjermaninë Perëndimore, Becker studioi në Universitetin e Lirë në Berlinin Perëndimor midis 1974 dhe 1979 dhe më vonë në Akademinë Gjermane të Filmit dhe Televizionit në qytetin ende të ndarë nga viti 1981.
Ai mori ”Leopardin e Artë” në Festivalin Ndërkombëtar të Filmit në Locarno me “Schmetterlinge” (“Fluturat”) në 1988.
Becker vazhdoi me themelimin e kompanisë filmike ”X Filme” me Tom Tykwer, Dani Levy dhe Stefan Arndt dhe realizoi tragjikomedinë “Das Leben ist eine Baustelle” (“Jeta është gjithçka që merr”) me Jurgen Vogel.
Duke folur me rastin e ditëlindjes së tij të 65-të, Becker tha për dpa se ai ishte pyetur vazhdimisht nëse vinte nga Gjermania Lindore apo Perëndimore, kur u intervistua për filmin “Good Bye, Lenin!” dhe vuri në dukje se pyetësit thjesht mund të kishin kërkuar në Google emrin e tij.
Filmi tregon historinë e një socialisteje të përkushtuar që bie në koma, një muaj para se të rrëzohej Muri i Berlinit.
Pasi zgjohet muaj më vonë, djali i saj përpiqet ta mbrojë atë nga lajmet se qeveria e saj e dashur e Gjermanisë Lindore nuk ishte më.
Becker mohoi kategorikisht se filmi pikturonte një pamje nostalgjike të ish-Gjermanisë Lindore.
“Mirupafshim, Lenin!” fitoi një sërë çmimesh në Gjermani dhe Evropë.
