Antonio Costa, presidenti i Këshillit të Evropës, pati dje një bisedë telefonike me presidentin kinez Xi Jinping, e para që kur Costa mori detyrën.
Xi duket se synon të përfitojë nga kthimi i Donald Trump në Shtëpinë e Bardhë për të bindur BE-në të bashkëpunojë me Kinën. E njëjta taktikë ishte përdorur edhe gjatë mandatit të parë të Trump.
Në vitin 2017, presidenti kinez shkoi në Forumin Ekonomik Botëror në Davos për të njoftuar se Kina do të mbronte tregtinë ndërkombëtare sepse “askush nuk do të dalë fitimtar në një luftë tregtare”.
Në atë kohë, për një periudhë kohe, Xi kishte gjetur një vesh dëgjues në BE. Që nga viti 2018, zhvendosja autoritare dhe agresioni ekonomik i regjimit të Pekinit kanë filluar të vënë në pikëpyetje kredencialet e Xi-t si një partner i besueshëm për BE-në. Tani presidenti kinez po përpiqet sërish.
“Sa më serioze dhe komplekse të jetë situata ndërkombëtare, aq më shumë Kina dhe Evropa duhet të mbështesin frymën origjinale të marrëdhënieve diplomatike, të forcojnë komunikimin strategjik, të rrisin besimin e ndërsjellë dhe t’u përmbahen parimeve të partneritetit,” i tha Xi Costa-s, duke kujtuar se viti 2025 shënon 50-vjetorin e marrëdhënieve diplomatike mes BE-së dhe Pekinit.
Sipas Xi, midis Kinës dhe BE-së, “nuk ka konflikt interesi apo kontradikta themelore gjeopolitike”.
