Një ngjarje e rëndë ka ndodhur mesditën e sotme në Bulqizë.
Një 34-vjeçar i identifikuar si Flamur Kamberi, ka vrarë me çifte kushëririn e tij Vasil Kamberi, teksa ndodheshin në pyll.
Ai ka ndërruar jetë si pasojë e plagëve të marra gjatë transportimit me helikopter për në spital.
Autori i dyshuar i ngjarjes është shoqëruar në Komisariat, ndërsa po punohet për zbardhjen e plotë të krimit.
“Më datë 16.01.2025, rreth orës 12.00, është marrë njoftim se në pyllin e fshatit Tërnovë e Vogël në Bulqizë, është plagosur me armë gjahu (çifte), shtetasi V.K., 36 vjeç, i cili si pasojë e plagëve të marra, ka humbur jetën gjatë transportimit me helikopter për në spital.
Nga veprimet e para hetimore, ka rezultuar se autori i dyshuar i ngjarjes është shtetasi F.K., 34 vjeç (i afërm me shtetasin V.K.), i cili është shoqëruar në Komisariatin e Policisë për veprime të mëtejshme”, thuhet në njoftimin e policisë.
Grupi hetimor nën drejtimin e Prokurorisë vijon veprimet në vendngjarje për sqarimin dhe dokumentimin e plotë ligjor të kësaj ngjarjeje.
